అంతర పంటల సాగు – ప్రాముఖ్యత
సర్వసాధారణంగా రైతులు ఒక కాలంలో ఒకే పంటను సాగు చేస్తుంటారు. ప్రకృతి వైపరిత్యాలు, చీడపీడల బెడద వల్ల పంట నష్టపొతే రైతు ఆర్ధిక పరిస్ధితి దెబ్బతింటుంది. మన రాష్ట్రంలో చాలా ప్రాంతాల్లో 800 నుండి 1100 మి.మీ వర్షపాతం కురుస్తుంది. సరైన ప్రణాళికతో, అవగాహనతో రెండు లేదా మూడు పంటలను ఒకేసారి సాగుచేయవచ్చు. రెండుగానీ, అంతకన్నా ఎక్కువ పంటలను ఒక నిర్దిష్టమైన నిష్పత్తిలో సాగుచేస్తే అంతర పంటలు అంటారు. ఆ అంతర పంటల క్రమంలో ఒకటి ప్రధానపంట, రెండవదీ అంతర పంట.